ВЫПУСКНЫ БАЛЬ
Выпускны баль у дзіцячым садзе - гэта самы кранальны, самы незабыўны з усіх святаў. Гэта як "парог", які трэба пераступіць з дзяцінства ў іншае жыццё. Асабліва кранальным стала гэтае свята ў спецыальным яслях-садзе № 3 г. Ваўкавыска. Таму што, нашы дзеці - асобыя дзеці, і ў іх асаблівая роля ў гэтым свеце – правяраць людзей на дабрыню.
Выпускны баль 2019 года выхаванцаў з асаблівасцямі псіхафізічнага развіцця ў нашай установе ператварыўся ў “Падарожжа на паветраным шары”. Вандроўнікі пабывалі на вяселых астравах, дзе сумесна з бацькамі і педагогамі паказалі чаму навучыліся ў дашкольныя гады.
На востраве “Сонечны” выхаванцы парадавалі гасцей танцам са смайлікамі “З усмешкай па жыцці”. Бо нягледзячы на цяжкасці свайго здароўя, яны заўседы адорваюць нас сваей прымнай і добрай усмешкай.
На востраве “Кветкавы карагод” дзеці сабралі цудоўны кошык кветак і падарылі любімым матулям.
На востраве “Матуліна пяшчота” усе мамы закружыліся ў легкім танцы і на хвілінку забыліся пра штодзенныя клопаты, якія ляжаць на іх хрупкіх плячах: бо так няпроста выхоўваць “асобае”дзіця, якое патрабуе асаблівых клопатаў і ўвагі.
У канцы свята ўсе выйшлі на вуліцу і, загадваючы патаемнае жаданне, адпускалі паветраныя шарыкі ў неба!
Няхай усе беды панясе, наш шарык легкакрылы,
з ім пачынаем свой палёт, хай будзе ён шчаслівым!
выхавальнікі дашкольнай адукацыі ДУА “Спецыяльны сад № 3 г. Ваўкавыска” Ларыса Грыневіч, Святлана Камчыц
